“Hərtərəfli milli müdafiəyə doğru irəliləyərkən qadınların milli müdafiə xidmətinə məcburi cəlb olunmasının tərəfdarıyam.” – Latviyanın müdafiə naziri Andris Spruds ölkənin qadınlarının da 2028-ci ilə qədər orduya cəlb olunmasını istəyir.
QafqazTürk Media bu barədə dünya mətbuatına istinadən xəbər verir.
Nazir bildirib ki, bu prosesin qısa müddətdə baş verməsi real deyil. Lakin bunun üçün ən optimal vaxt 2028-ci ilin ola biləcəyini vurğulayıb.
“Artıq ictimai müzakirələr aparılmalıdır. Bu, təkcə koalisiyanın məsələsi deyil, bu, siyasi partiyaların, parlamentin və bütövlükdə cəmiyyətin məsələsidir. kincisi, bütün lazımi hazırlıqlar tamamlanmalıdır. Milli Müdafiə Xidməti daim təkmilləşdirilən keyfiyyətdə olmalıdır. Ehtiyat əsgərlərin silah kimi bütün ehtiyacları ödənilməlidir. Biz həmçinin mövcud qadın xidmətinin müasir olması üçün ilkin şərtləri qoymağa başlamalıyıq. Məsələn, avadanlığın, geyimin, avadanlıqların uyğunlaşdırılması kimi”. – o qeyd edib.
Bununla yanaşı, o bildirib ki, məsələ ilə bağlı artıq Milli Silahlı Qüvvələrə tapşırıqlar verilib.
