Another advertisement
Qaraçay-Çərkəz müsəlmanlarının dini idarəsi respublikada niqab taxmağa müvəqqəti qadağa qoyub.
Sənədə əsasən, qadağa “müəyyən edilmiş təhlükələr aradan qaldırılana və yeni teoloji nəticə əldə olunana qədər” qüvvədə qalacaq.
Qaraçay-Çərkəz müftisi və Şimali Qafqaz Müsəlmanları Koordinasiya Mərkəzinin sədri İsmayıl Hacı Berdiyev bildirib ki, qərar Mərkəzi Müftilər Şurasının qərarına əsasən qəbul edilib.
Dağıstanda kilsə və sinaqoqlara edilən hücumlar, habelə Rostovdakı istintaq təcridxanasında girov götürülməsi ilə bağlı Rusiyada dini geyimlərlə bağlı müzakirələr intensivləşib.
Niqabın qadağan edilməsinin zəruriliyi ilə bağlı məsələni mayın sonunda Rusiya prezidenti yanında İnsan Hüquqları Şurasının rəhbəri Valeri Fadeyev qaldırıb.
