Co Bayden namizədliyini geri götürərsə, “Demokratlar” Kamala Harrisi dəstəkləyəcək.
QafqazTürk Media xəbər verir ki, bu barədə CNN məlumat yayıb.
Yayılan məlumatlara görə, daxili sorğular Harrisin ən azı “Demokratlar” arasında həvəs və seçki yarışını artırmaqda daha faydalı olacağını göstərir.
Həmçinin media yazır ki, 32 “Demokrat” konqresmen açıq şəkildə Baydeni prezident seçkilərində iştirak etməməyə çağırıb.
Bir müddət əvvəl Amerika mediası yazmışdı ki, ABŞ Nümayəndələr Palatasının keçmiş spikeri Nensi Pelosi ABŞ prezidenti Co Baydenlə təkbətək söhbətində səsvermənin nəticələrinə görə, “respublikaçı” namizədə qalib gələ bilməyəcəyini deyib. Donald Trump, noyabrda keçiriləcək prezident seçkilərində onu məğlub edə bilər və ikinci müddətə namizədliyini irəli sürərsə, Nümayəndələr Palatasında “Demokratlar”ın qalib gəlmə şansı var. Televiziya mənbələrindən biri prezidentin Nensi Pelosi ilə razılaşmadığını, onun qalib gələ biləcəyini göstərən sorğuları gördüyünü söylədi.
Bundan əlavə, Qərb mediası yazıb ki, Barak Obama müttəfiqləri ilə söhbətlərində Co Baydenin qələbə şanslarının xeyli azaldığını və onun namizədliyi üzərində ciddi düşünməli olduğunu deyir.
