Çinin cənub-qərbində baş verən sürüşmə nəticəsində azı bir nəfər ölüb, 28 nəfər itkin düşüb.
QafqazTürk Media xəbər verir ki, bu barədə BBC məlumat yayıb.
KİV-in məlumatına görə, şənbə günü səhər saat 11:50-də Siçuan əyalətinin Jingping kəndində torpaq sürüşməsi baş verib, 10 evi basdırıb. Xilasedicilər iki nəfəri xilas edə biliblər.
Ölkənin Fövqəladə Hallar Bürosunun açıqlamasında deyildiyi kimi, hadisə yerində komanda mərkəzi fəaliyyət göstərir.
Çin prezidenti Si Cinpin qapalı vəziyyətdə qalan vətəndaşları xilas etmək üçün genişmiqyaslı xilasetmə əməliyyatına göstəriş verib.
