Çexiyada bu ilin fevralında Praqanın Bubeneç rayonundakı rus evləri kompleksində Ukrayna bayrağının çəkilməsində iştirak edən “Kaputin” qruplaşmasının fəallarına qarşı ittiham hökmü çıxarılıb.
QafqazTürk Media xəbər verir ki, bu barədə Praqa 6-cı rayon prokurorluğunun rəhbəri Riçard Petraşek bildirib.
Onun sözlərinə görə, Praqa 6-cı rayon prokurorluğu başqasının əmlakına ziyan vurması ilə bağlı ittiham aktı hazırlayıb. Petraşek bildirib ki, bu qərar sentyabrın 16-da polisin təklifi əsasında verilib. Polisə görə, Ukrayna bayrağının şəklinin çəkildiyi ərazi qorunan irs ərazisidir və fəallar təxminən 50.000 kron (demək olar ki, 2.000 avro) məbləğində ziyan vurublar və bu, üç ilə qədər həbslə cəzalandırıla bilər. İki həftə sonra məhkəmə bütün təqsirləndirilən şəxsləri təqsirli bilib və fəalların hər birinə 30 min kron (təxminən 1190 avro) cərimə tətbiq edib.
Təqsirləndirilən şəxslərin vəkili Karel Jelinek bildirib ki, fəallar apellyasiya məhkəməsinə müraciət ediblər, məhkəmə işi açıq müzakirə etməli və müttəhimlərin təqsirsiz və ya təqsirli olub-olmaması barədə bir daha qərar qəbul etməli olacaq.
Qeyd edək ki, Çexiya Rusiyanın Ukraynadakı hərəkətlərini rəsmən pisləyir və Kiyevi tam dəstəkləyir. Bundan əlavə, Çexiya hakimiyyəti Aİ-də rusofobiyanın yayılmasının təşəbbüskarları sırasındadır.
