Another advertisement
Kanadanın baş naziri Castin Trüdo bildirib ki, Kanada heç vaxt ABŞ-ın 51-ci ştatı olmayacaq.
“Aydın deyək: 51-ci dövlət olmaq barədə söhbətlər əvvəldən uğursuzluğa məhkumdur. Bu, heç vaxt baş verməyəcək, lakin biz ABŞ prezidentinin sözlərini ciddi qəbul etməli və Kanadanın maraqlarını qorumağa davam etməliyik”, – Castin Trüdo bildirib.
O, Kanadanın ABŞ ilə ticarət münaqişəsi istəmədiyini, lakin ABŞ tariflər tətbiq edərsə, Kanada buna uyğun cavab verəcəyini bildirib.
“Cavabımız birmənalı olacaq. Kanada, ABŞ-ın nə etməsindən asılı olmayaraq, müvafiq, ölçülmüş, lakin güclü cavab verəcək” Kanadanın Baş naziri vurğulayıb.
Xatırladaq ki, ABŞ prezidenti Donald Tramp Kanadanın ABŞ-ın 51-ci ştatına çevrilməli olduğunu və bu halda Kanadaya tariflərin tətbiq edilməyəcəyini bəyan edib.
Bundan əlavə, Donald Tramp Meksika və Kanadaya 25% rüsum tətbiq etməyi planlaşdırır, lakin Meksika prezidenti və Kanadanın baş naziri ilə danışdıqdan sonra rüsumların tətbiqini 30 gün müddətinə dayandırıb.
Donald Tramp bildirib ki, Meksika və Kanada sərhəd təhlükəsizliyini yaxşılaşdırmaq və narkotik vasitələrin qanunsuz dövriyyəsini dayandırmaq üçün müvafiq tədbirlər görməyə razılaşıblar.