Cənubi Koreya prezidenti Yoon Suk-yeolun ölkədən çıxışı qadağan edilib, çünki müxalif siyasətçilər partiyanın prezidentə impiçment elan etməkdən imtina etməsindən sonra onun partiyasını ikinci çevriliş cəhdində ittiham ediblər.
“Bu, ikinci qanunsuz, konstitusiyaya zidd üsyan və çevriliş aktıdır”, – müxalifətin “Demokratik Partiyası”nın lideri Park Çanda deyib.
Ədliyyə Nazirliyinin İmmiqrasiya Xidmətinin komissarı Bae Sang-ap parlamentdə keçirilən dinləmələrdə Yoon Suk-yeolun səyahətinə qadağa qoyulduğunu təsdiqləyib.
Xatırladaq ki, Cənubi Koreya prezidenti Yoon Suk-yeol ötən həftənin əvvəlində ölkədə müharibə vəziyyəti elan edərək, bunun səbəbini “konstitusiya quruluşunu qorumaq və Cənubi Koreyanı Şimali Koreya kommunist qüvvələrinin təhdidindən azad etmək” kimi əsaslandırıb. Hərbi vəziyyət elan edildikdən sonra qanunverici orqanın girişi polis tərəfindən kəsilib, asayiş keşikçiləri ilə nümayişçilər arasında toqquşma olub. Hökumət bir neçə saat sonra hərbi vəziyyəti ləğv etdi. Ölkənin müxalifət partiyaları prezidentə qarşı impiçment proseduruna başlayıb, lakin hakim partiya səsverməni boykot etdiyi üçün parlamentdə impiçment məsələsi üzrə səsvermə baş tutmayıb. Parlamentdə impiçment səsverməsinə bir neçə saat qalmış Cənubi Koreya prezidenti fövqəladə vəziyyət elan etdiyinə görə üzr istəyib və hərbi vəziyyət elan etmək üçün ikinci cəhd olmayacağına söz verib.
