Another advertisement
Bosniya və Herseqovinanın bir çox şəhərində hava çirkliliyi həssas əhali qrupları üçün təhlükəli səviyyəyə yüksəlib.
QafqazTürk Media xəbər verir ki, Banya Lukada havanın keyfiyyət indeksinin 185, Tuzlada 165, paytaxt Sarayevoda və Travnikdə 160, Zenitsada isə 159 olduğu açıqlanıb. Bu şəhərlər havanın keyfiyyət indeksinə görə qeyri-sağlam olaraq təsnif edilib.
Hava çirkliliyi ilə əlaqədar ürək və tənəffüs orqanlarının xəstəlikləri olan insanlara vacib olmadığı təqdirdə evdən bayıra çıxmamaq tövsiyə olunub.
Mütəxəssisləri hava çirkliliyinə səbəb olaraq sənaye obyektləri, nəqliyyat, tullantıların yandırılması və fərdi istilik sistemlərini göstərir.
