Sofiya metrosu Avropanın ikinci ən yaxşı metrosu seçilib.
QafqazTürk Media dünya mətbuatına istinadən xəbər verir ki, bu barədə məlumatı “Bounce” şirkəti dərc edib.
Məlumata əsasən, indeks xalı metro sistemində qatarların qət etdiyi məsafə, stansiyaların sayı, illik sərnişinlər və digər məlumatlara əsaslanaraq hesablanıb.
Bolqarıstanın yeganə və reytinqdə yeni olan Sofiya metro sistemi 10 baldan 7,64-nü toplayıb. Qeyd edilib ki, bu metro sistemi 52 kilometr məsafəni əhatə edir və Sofiya hava limanı da daxil olmaqla, 47 stansiyaya malikdir.
Araşdırmaya görə, Avropada ən yüksək reytinqə malik metro sistemi Norveçin Olso şəhərindədir. Üçüncü yerdə isə Yunanıstanın paytaxtı Afina metrosu qərarlaşıb. İlk beşliyə müvafiq olaraq, İspaniyanın Madrid və Polşanın Varşava metroları daxildir.
