Nəhəng asteroid Yerə yaxın uçacaq. Bu hadisənin unikallığı ondan ibarətdir ki, bu qədər böyük obyektin Yerə bu qədər yaxınlaşması nadir haldır.
Virtual Teleskop Layihəsindən astronom Gianluca Massi, “Belə bir hadisə orta hesabla on ildə bir dəfə baş verir” deyib.
(887) Alinda adlı asteroid 2200-cü ilə qədər Yerin 15 milyon kilometrinə yaxınlaşa biləcək 5 ən böyük asteroiddən biridir, Forbes yazır.
Alinda hazırda 9,7 bal gücündə parlayır, lakin adi gözlə görüləcək qədər parlaq deyil. Onu Şimal yarımkürəsindən durbinlə görmək olar.
Yanvarın 12-si bazar günü 9,4 bal gücündə parlaqlığa çatacaq.
Asteroidi harada izləmək olar?
Alinda bütün gecə qaranlıqdan sonra görünən Əkizlər bürcündə durbinlə görünə bilər.
Avropa Kosmik Agentliyinin məlumatına görə, bu asteroid 1918-ci ildə kəşf edilib. Onun adı dörd ildə bir dəfə Günəş ətrafında fırlanan hər hansı asteroidi təsvir etmək üçün istifadə olunur. Alinda asteroidləri vaxtlarının çoxunu Mars və Yupiter arasındakı asteroid qurşağında keçirir və nadir hallarda planetə yaxınlaşırlar.
Alinda növbəti dəfə 2087-ci ildə Yerə yaxınlaşacaq.
