Sabah, 8 fevral tarixində parlamentin plenar iclasında Nazirlər Kabineti və hökumət proqramı olan “Avropa dövlətinin qurulması” etimad səsverməsinə çıxarılacaq.
QafqazTürk.com xəbər verir ki, Parlament qanunlayihəsinə birinci oxunuşda baxılması üçün müəyyən edilmiş qaydada hökumətin tərkibinə etimad bəyannaməsi məsələsini müzakirə edəcək və səsverməyə qoyacaq.
Bu o deməkdir ki, baş nazirliyə namizəd əvvəlcə hökumət proqramını təqdim edəcək, ondan sonra deputatlar suallar verəcək, komitələr, fraksiyalar, siyasi qruplar daxilində çıxışlar olacaq.
Parlamentin etimadını almaq üçün parlamentin tam tərkibinin əksəriyyətinin, daha dəqiq desək, 76 deputatın dəstəyi lazımdır.
Nazirlər Kabinetindəki dəyişiklik yalnız müdafiə nazirinə təsir edib. Cuanşer Burçuladzeni parlamentin vitse-spikeri İrakli Çikovani əvəz edəcək.
Hökumət aşağıdakı tərkibdə parlamentə təqdim edilib:
Baş nazir – İrakli Kobaxidze
Təhsil, Elm və Gənclər naziri – Giorgi Amilaxvari
Ekologiyanın Mühafizəsi və Kənd Təsərrüfatı naziri – Otar Şamuqiya
İqtisadiyyat və Davamlı İnkişaf naziri – Levan Davitaşvili
Gürcüstanın Müdafiə naziri – İrakli Çikovani
Ədliyyə naziri – Rati Breqadze
Mədəniyyət və İdman Naziri – Tea Culukiani
İşğal Olunmuş Ərazilərdən Olan Məcburi Köçkünlər, Əmək, Səhiyyə və Sosial Müdafiə naziri – Zurab Azaraşvili
Regional inkişaf və İnfrastruktur naziri – İrakli Karseladze
Xarici İşlər naziri – İlya Darçiaşvili
Maliyyə naziri – Laşa Xuçişvili
Daxili İşlər naziri – Vaxtanq Qomelauri
Barışıq və Vətəndaş Bərabərliyi üzrə Dövlət naziri – Tea Axvlediani
