Bu gün, 14 oktyabr Gürcüstanın xristian əhalisi “Svetiçxovloba” bayramını qeyd edir.
QafqazTürk.com xəbər verir ki,bununla əlaqədər Mçxeta şəhəri yaxınlığındakı Svetiçxoveli kilsəsində bayram tədbirləri keçirilib.
Rəvayətə əsasən, 4-cü əsrdə Kartli çarı Mirian və ölkədə xristianlığı yayan, Gürcüstanın xristian əhalisi tərəfindən müqəddəs adlandırılan Nino müasir Svetiçxoveli ərazisində kilsə tikməyə qərar verir. Kilsənin tikintisi üçün sərv ağacından düzəldilmiş dirəklərdən biri inşaat işçilərinə tabe olmur və havaya qalxaraq heyrətamiz şəkildə dayanır. Bundan sonra Ninonun və Mçxetalıların ibadəti ilə situn yerə enir.
