“Gürcüstanda yaşayan azərbaycanlılar bizim üçün əzizdir və çox dəyərlidir”.
QafqazTürk.com xəbər verir ki, bunu səfir Faiq Quliyev GAK sədri Hüseyn Yusubovla telefon danışığında deyib.
“Gürcüstanda yaşayan azərbaycanlı bacı-qardaşlarımızın hər biri bizim üçün çox dəyərli və əzizdir.
Mən hər bir soydaşımızı Ramazan bayramı münasibətilə səmimi qəlbdən təbrik edirəm. Uca Allahdan tutduğumuz orucların, etdiyimiz niyətlərin qəbul olunmasını diləyirəm. El-obaya yalnız firavanlıq, əmin-amanlıq, sülh və tərəqqi arzu edirəm.
Onlara xoş arzularımı çatdırmağınızı xahiş edirəm. Bir daha bayramınız mübarək olsun. Hər bir dəyərli soydaşımızın özünü və ailəsini ürəkdən təbrik edirəm. Bol-bol ruzi-bərəkət və İnşAllah Allah amanında olsunlar”, -deyə Cənab səfir Faiq Quliyev qeyd edib.
