Elm adamları “güzgü bakteriyalarının” – təbii həyatın tərs çevrilmiş molekulyar tikinti bloklarından yaradılmış sintetik mikroorqanizmlərin yaradılmasının dayandırılması təşəbbüsü ilə çıxış edirlər.
“Science” jurnalında dərc olunan 38 elm adamından ibarət beynəlxalq qrupun hesabatına görə, bu hipotetik orqanizmlərin potensial təhlükələri hər hansı qəbul edilən faydalardan qat-qat üstündür.
İnteresting Engineering yazır ki, onların tapıntıları sintetik biologiyanın gələcəyi və onun etik hədləri haqqında qlobal müzakirələrə səbəb olub.
“Haqqında danışdığımız təhlükə misli görünməmiş təhlükədir. “Güzgü bakteriyaları, ehtimal ki, insanlarda, heyvanlarda və bitkilərdə immun sisteminin bir çox reaksiyasından yayınır və hər bir halda nəzarətdən kənara çıxan ölümcül infeksiyalara səbəb olur”- Von Kuper deyib.
Hesabat güzgü bakteriyaları ilə əlaqəli ciddi riskləri, o cümlədən onların immun müdafiəsini və ekosistemləri pozmaq qabiliyyətini vurğulayır. Yırtıcıların, virusların və antibiotiklərin nəzarətinə və tarazlığına məruz qalan təbii bakteriyalardan fərqli olaraq, güzgü bakteriyaları bu sistemlərdən kənarda fəaliyyət göstərir.
Alimlər güzgü həyatının yaradılmasına yönəlmiş tədqiqatlara qlobal moratorium qoymağa çağırır, maliyyəçilərə bu cür layihələri dəstəkləməkdən çəkinməyi və fərdi güzgü molekulları üzərində tədqiqatların ciddi nəzarət altında davam etdirilməsini tövsiyə edir.
