Avropa İttifaqı Ukraynanı dəstəkləməkdə haqlıdır, Braziliya və digər ölkələr isə “qızıl ortanı” tapmaqda haqlıdırlar. ” – QafqazTürk xəbər verir ki, bu barədə Braziliya prezidenti Luis İnasio Lula da Silva Hollandiyanın baş naziri Mark Rutte ilə görüşdən sonra bəyan edib.
Braziliya prezidentinin dediyinə görə, Ukrayna faktiki olaraq öz ərazisinin işğalını qəbul edə bilməz və müqavimət göstərməlidir, lakin qızıl ortanın tapılması mümkündür.
“Braziliya Ukraynadakı müharibədə vasitəçi rolunu oynamaq istəyir.” – Braziliya prezidenti bildirib.
Mark Rutte öz növbəsində qeyd edib ki, Ukraynada müharibə mümkün qədər tez başa çatmalı və güzəştlər olmadan sülh bərqərar edilməlidir.
“Əgər Rusiya Ukraynada öz məqsədlərinə çatarsa, sülhümüz potensial təhlükə altındadır”, – Hollandiyanın baş naziri qeyd edib.
