Bolnisi bələdiyyəsinin meri və Gürcü Arzusunun nümayəndəsi David Şerazadaşvili seçkiöncəsi kampaniya çərçivəsində Kvemo Arqevani (Aşağı Qoşakilsə), Zemo Arkevani ( Yuxarı Qoşakilsə), Xadaveti (Mollaəhmədli) və Mamxuti ( Saraclı) kəndində əhali ilə görüşüb.
QafqazTürk Media xəbər verir ki, yerli sakinlərlə görüş çərçivəsində mer və eyni zamanda Gürcü Arzusunun nümayəndəsi kənd nümayəndələri ilə bərabər kənd əhalini narahat edən problemləri və onların ehtiyaclarını dinləyib.
Daha sonra mer David Şerazadaşvili əhali tərəfindən səsləndirilən problemlərin və ehtiyacların həll olunması yolunda müvafiq addımların atılacağına dair söz verib.
Bundan başqa görüş iştirakçıları kəndlərdə həyata keçirilən infrastruktur layihələrə görə merə təşəkkür edərək razılıqlarını bildiriblər.
