İrəvandakı “Müqəddəs Astvatmayr” tibb mərkəzində Ararat quberniyası sakini 9 yaşlı qız komaya düşərək həyatını itirib.
QafqazTürk Media yerli mediaya istinadən xəbər verir ki, uşaq “Vedi” tibb mərkəzindən “son dərəcə ciddi” diaqnozla “Surb Astvatmayr” tibb məntəqəsinə köçürülüb.
Ermənistan mətbuatının yaydığı məlumata görə, ilkin diaqnoza əsasən, Vedi şəhər məktəbində aldığı fiziki xəsarətlər nəticəsində uşaqda poliorqan çatışmazlığı, 3-cü dərəcəli tənəffüs çatışmazlığı, TASH vəziyyəti inkişaf edib və bu, ölümə səbəb olub.
Bundan başqa, yayılan məlumata görə, İrəvan-Yerasx avtomobil yolunun Pokr Vedi inzibati ərazisində komada olan qızın valideynləri avtomobil qəzasına düşüb. Onlar xəstəxanaya övladlarına baş çəkməyə gedirlərmiş.
Məlumata əsasən, hadisə ilə bağlı ehtiyatsızlıqdan sağlamlığa ağır zərər vurma maddəsi ilə cinayət işi başlanıb.
