İsrailin baş naziri Benyamin Netanyahu bu gün ABŞ-a səfər edəcək və orada prezident Donald Trampla görüşəcək.
QafqazTürk Media xəbər verir ki, bu barədə Associated Press məlumat yayıb.
Nəşrin məlumatına görə, Netanyahu getməzdən əvvəl bəyanat yayıb və bildirib ki, o, Trampla görüşündə “HƏMAS”-ın məğlubiyyəti, İranla mübarizə, ərəb ölkələri ilə diplomatik əlaqələrin genişləndirilməsi məsələlərini müzakirə edəcək.
“Biz “HƏMAS”-ı məğlub etmək, bütün girovlarımızın azad edilməsinə nail olmaq və İranın terror oxunun bütün komponentləri ilə məşğul olmaq barədə danışacağıq”, – Netanyahu bildirib.
Associated Press xəbər verir ki, çərşənbə axşamı Ağ Evdə keçirilməsi planlaşdırılan görüş Trampın vəzifəyə qayıtdıqdan sonra xarici liderlə ilk görüşü olacaq. Bu, amerikalı və ərəb vasitəçilərinin Qəzza zolağında müharibəyə son qoymaq və onlarla girovu azad etmək üçün razılaşmanın növbəti mərhələsi üzərində işə başlaması ilə baş verir.
