Mziya Amaghlobelinin işi üzrə prokurorlar vəzifəyə yüksəldilib. Tornike Qoqaşvili Batumi prokurorunun müavini, Şota Çxaidze isə Ozurgeti rayon prokurorunun müavini olub.
QafqazTürk Media xəbər verir ki, bu barədə məlumatı “Batumelebi” yayıb.
“Batumelebi”nin yazdığına görə, bir neçə etibarlı mənbə təsdiqləyib ki, Tornike Qoqaşvili təxminən bir həftə əvvəl Batumi prokurorunun müavini təyin edilib, Şota Çxaidze isə artıq iki aydır ki, Ozurgeti prokurorunun müavinidir.
Mziya Amaghlobelinin işi üzrə prokuror Tornike Qoqaşvili 2025-ci ilin 3 mart tarixində Litva və Estoniya tərəfindən sanksiyaya məruz qalıb.
Qeyd edək ki, Batumi prokuroru 2025-ci ilin iyul ayından İrakli Qaçexiladzedir. Elə həmin dövrdən Acarıstanın prokuroru Giorgi Tsvanidzedir.
Batumi prokurorunun müavini vəzifəsində indiyədək Aleksandre Dzirkvadze çalışırdı. “Batumelebi”nin məlumatına görə, o, Dövlət Təhlükəsizlik Xidmətinə başqa bir vəzifəyə keçirilib.
Dünən, noyabrın 5-də, Mziya Amaghlobelinin işi üzrə şahid polis əməkdaşı Arçil Antadze Batumi Bulvarının direktoru təyin edilib. Ondan əvvəl isə Mziya Amaghlobelinin işi üzrə əsas fiqurant olan Batumi polis rəisi İrakli Dgebuadze Tbilisiyə köçürülərək polis attaşelərinin rəhbəri olub.
