Another advertisement
Qardaş Türkiyədəki helikopter qəzasında 6 hərbçi şəhid olub.
Qafqaz Türk Media xəbər verir ki, şəhid olanlardan biri İsparta Quru Aviasiya Məktəbinin komandanı general- mayor (tuğgeneral) İsa Baydillidir.
Biz, Gürcüstan Azərbaycanlıları Konqresi və Qafqaz Türk Media ailəsi olaraq, şəhid xəbərini sarsıntı ilə qarşıladıq və həlak olanların ailələrinə, həmçinin hərbi xidmət yoldaşlarına və Türkiyə Müdafiə Nazirliyinə dərin hüznlə başsağlığı verir, uca Allahdan səbir diləyirik!
Xatırladırıq ki, hadisə İsparta Quru Aviasiya Məktəbinin təlim uçuşu zamanı iki helikopterin toqquşması nəticəsində baş verib. Helikopterlərdən biri qəzaya uğrayıb, digəri isə təhlükəsiz eniş edə bilib.
