Gürcüstanın baş naziri İrakli Kobaxidzenin Macarıstana iki günlük rəsmi səfəri başlayır. Hökumət administrasiyasının məlumatına görə, bu gün Macarıstanın baş nazirinin sarayında İrakli Kobaxidzenin rəsmi qarşılanma mərasimi keçiriləcək.
İki ölkənin hökumət başçısının təkbətək və geniş tərkibdə görüşü nəzərdə tutulub.
Bundan əlavə, İrakli Kobaxidze rəsmi səfəri çərçivəsində Budapeştdə Gürcüstan-Macarıstan Hökumətlərarası Komissiyasının ikinci iclasında iştirak edəcək. Kənd təsərrüfatı, enerji, mədəniyyət və innovasiyalar, o cümlədən idman sahələrində əməkdaşlığa dair sazişlər imzalanacaq.
Hökumətlərarası Komissiyanın iclasından sonra İrakli Kobaxidze və Viktor Orbanın birgə mətbuat konfransı planlaşdırılır.
