İrakli Kobaxidze Baş nazir olaraq bir sıra kadr dəyişikliyi edib.
QafqazTürk.com xəbər verir ki, İqtisadiyyat və davamlı inkişaf naziri Levan Davitaşvili Baş nazirin I müavini olub.
“İmedi” informasiya xidmətinin keçmiş rəhbəri Mişa Peikrişvilinin isə hökumətin strateji rabitə xidmətinə rəhbərlik edəcəyi də məlum olub.
“Ötən illər ərzində sizin iştirakınızla çox işlər görülüb və buna görə sizə bir daha təşəkkür etmək istəyirəm. Həmçinin, mən bir daha cənab İrakli Qaribaşviliyə 3 il hökumətə rəhbərlik və ölkəmiz üçün çox şey etdiyinə görə təşəkkür etmək istəyirəm”, – deyə Baş nazir Kobaxidze hökumətin iclasında bildirib.
Məlumat üçün bildirək ki, yeni baş nazir İrakli Kobaxidze bu gün etimad səsverməsindən sonra ilk iclasını keçirib.
