Baş nazir İrakli Kobaxidze BMT konfransı çərçivəsində Türkmənistan Prezidenti Sərdar Berdiməhəmmədovla görüş keçirib. Görüşdə iki ölkə arasında əməkdaşlığın inkişafı, xüsusən ticarət-iqtisadi əlaqələrin və enerji sahəsində tərəfdaşlığın perspektivləri müzakirə olunub.
Cənub Qaz Dəhlizi vasitəsilə türkmən qazının Avropaya nəqli imkanları da diqqət mərkəzində olub. Tərəflər regionda sülh və sabitliyin vacibliyini vurğulayıblar. Baş nazir Kobaxidze Prezident Berdiməhəmmədovu Gürcüstana rəsmi səfərə dəvət edib.
