Another advertisement
Gürcüstanın baş naziri İrakli Kobaxidze Donald Trampı prezident seçkilərində qələbə qazanmağı münasibətilə təbrik edib.
“Mən prezident Donald Trampı seçkilərdəki qəti qələbəsi münasibətilə təbrik edirəm. Əminəm ki, prezident Trampın rəhbərliyi regionumuzda qlobal sülhə kömək edəcək, həmçinin ABŞ-Gürcüstan münasibətlərinin yenilənməsini təmin edəcək”, – İrakli Kobaxidze sosial şəbəkədə yazıb.
Xatırladaq ki, noyabrın 5-də ABŞ-da prezident seçkiləri keçirilib. Fox News-un verdiyi ilkin məlumatlara görə, Tramp Seçicilər Kolleqasının 277 səsini əldə edib, bu da onun seçilmiş prezident elan edilməsi üçün kifayətdir. Onun rəqibi “Demokratlar” partiyasından olan Kamala Harris Seçicilər Kolleqasının 226 səsini toplayıb.
