Another advertisement
Türkiyənin cənub-qərbində təcili yardım helikopterinin xəstəxana binasına çırpılması nəticəsində 4 nəfər dünyasını dəyişib.
QafqazTürk Media xəbər verir ki, bu barədə Reuters məlumat yayıb.
Əldə olan məlumata görə, Türkiyə Səhiyyə Nazirliyinin açıqlamasında helikopterin Muğla Tədris və Araşdırma Xəstəxanasının ərazisindən havaya qalxdığı, içərisində iki pilot, bir həkim və daha bir tibb işçisinin olduğu bildirilib.
Muğla vilayətinin valisi İdris Akbıyık jurnalistlərə açıqlamasında bildirib ki, vertolyot əvvəlcə xəstəxana binasının 4-cü mərtəbəsinə, sonra isə yerə çırpılıb. Binanın içərisində və yerdə heç kim xəsarət almayıb. Qatı duman zamanı baş verən təyyarə qəzasının səbəblərinin müəyyənləşdirilməsi istiqamətində araşdırma aparılır.
