İyulun 1-dən sosial cəhətdən həssas uşaqlara aylıq yardım olaraq 200 lari veriləcək.
QafqazTürk.com xəbər verir ki, bu barədə Səhiyyə nazirinin müavini Tamar Barkalaia bildirib.
“2022-ci ildə sosial aztəminatlı uşaqlara verilən pul yardımı 50 lari artaraq 150 lari təşkil edib. 2023-cü il iyulun 1-dən isə aylıq yardım olaraq 200 lari veriləcək. Proqramın büdcəsi 500 milyon laridir. 230 mindən çox uşaq artan yardım alacaq. Fiziki məhdudiyyətli uşaqların və ağır əlilliyi olan şəxslərin sosial müavinətləri də artıb. 2023-cü ildən ağır sağlamlıq imkanları məhdud şəxslər və sağlamlıq imkanları məhdud uşaqlar üçün sosial paket 65 lari artırılaraq 340 lari müəyyən edilib”, – deyə Tamar Barkalaia bildirib.
