Avropada ilk “Meymun çiçəyi” halı qeydə alınıb.
QafqazTürk media xəbər verir ki, bu barədə İsveç Səhiyyə Nazirliyi məlumat yayıb.
Onlar Afrikadan kənarda Meymun çiçəyinin yeni, daha yoluxucu variantının ilkini qeydə alıblar.
Onların sözlərinə görə, sözügedən şəxs hazırda “Meymun çiçəyinin” yeni variantının sürətlə yayıldığı Afrikada xəstələnib.
Ümumdünya Səhiyyə Təşkilatının (ÜST) Afrikanın bəzi bölgələrində meymun çiçəyi xəstəliyinin yayılmasını qlobal ictimai sağlamlıq təhlükəsi elan etməsindən bir neçə saat sonra İsveç Səhiyyə Nazirliyindən açıqlama gəldi.
Mövcud məlumata görə, xəstəliyin ilkin yayılması nəticəsində Konqo Demokratik Respublikasında artıq 450 nəfər ölüb, xəstəlik Mərkəzi və Şərqi Afrikanın digər bölgələrinə də yayılıb.
Bu xəstəlik soyuqdəyməyə bənzər simptomlara, dərinin qıcıqlanmasına səbəb olur və ölümcül ola bilər. Mövcud statistikaya görə, “Meymun çiçəyi” xəstəliyi tutulmuş yüz şəxsdən dördünün ölümünə səbəb olur.
