Another advertisement
Ukraynaya hərbi dəstəyin davam etdirilməsi, Ukraynanın danışıqlar masası arxasında olması zərurəti, sülh danışıqlarının uğurla başa çatacağı təqdirdə Rusiyanın Ukraynaya yenidən müdaxiləsinin qarşısını almaq üçün səylər və Ukraynanın müdafiəsi və sülhü üçün Avropa dövlətlərinin könüllü koalisiyasının yaradılması – bunlar Avropa liderlərinin Vladimir Zelenski ilə Londonda keçirilən görüşdə razılaşdığı dörd əsas məqamdır.
Fransa və Böyük Britaniya Ukrayna və Rusiyaya quruda döyüş əməliyyatları daxil edilməyən qismən, bir aylıq atəşkəs təklif edir, Emmanuel Makronun sözlərinə görə, münaqişə zonasının hava və dəniz ərazilərində, eləcə də enerji infrastrukturunda yanğın dayandırılmalıdır. Makron və Starmerin planına görə, bu, sülhməramlılığın ilk mərhələsi olacaq, bundan sonra Ukraynada Avropa sülhməramlılarını yerləşdirmək mümkün olacaq.
Dünən Londonda keçirilən görüşlərdə Böyük Britaniyanın Ukraynaya yeni raketlərin alınması üçün 1,6 milyard funt sterlinq ayıracağı açıqlanıb.
Ukrayna prezidenti Böyük Britaniyanı tərk etməzdən əvvəl mətbuata açıqlamalar verib. “Ukrayna heç vaxt Rusiyanın işğal etdiyi əraziləri Rusiya ərazisi kimi tanımayacaq – bizim ərazilərimiz və dəyərlərimiz satılmır”, – Vladimir Zelenski bildirib.
Onun sözlərinə görə, istənilən sülh sazişi ədalətli olmalı və aydın təhlükəsizlik təminatlarını ehtiva etməlidir.
Sammitdən sonra Ursula fon der Leyen də öz mövqeyini bildirib. Avropa Komissiyasının sədri Avropanın yenidən silahlanma planının təqdimatını elan edib.
Macarıstanın baş naziri “X” sosial şəbəkəsində sammitə və onun nəticələrinə münasibətini bildirib.
“Avropa liderləri qərara gəliblər ki, Ukraynada sülh əvəzinə müharibə davam etməlidir”, – Orban yazıb. Öz qiymətləndirməsinə görə, bu təhlükəli səhvdir.