Sabah Brüsseldə Avropa İttifaqı Xarici Əlaqələr Şurasının iclası keçiriləcək və burada digər məsələlərlə yanaşı, Gürcüstandakı son hadisələr də müzakirə olunacaq.
QafqazTürk Media xəbər verir ki, bu barədə Avropa Şurası açıqlayıb.
Onların sözlərinə görə, Aİ xarici işlər nazirləri Ukraynanın xarici işlər naziri Andrey Sibiqa ilə videokonfrans vasitəsilə qeyri-rəsmi fikir mübadiləsindən sonra Rusiyanın Ukraynaya təcavüzünü müzakirə edəcəklər.
Bundan əlavə, Xarici Əlaqələr Şurası Avropa İttifaqı ilə ABŞ arasında münasibətləri də müzakirə edəcək. Nazirlər həmçinin Suriya da daxil olmaqla Yaxın Şərqdəki son hadisələri müzakirə edəcəklər.
“Xarici Əlaqələr Şurası son hadisələrə və təhlükəsizlik və müdafiə sektorunda sürətlə dəyişən vəziyyətə diqqət yetirərək cari məsələləri müzakirə edəcək. Bu bənd çərçivəsində nazirlər Moldova və Gürcüstandakı hadisələrə toxunacaqlar”, – məlumatda deyilir.
Xarici Əlaqələr Şurasının iclasına Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Kaia Kallas sədrlik edəcək.
