Almaniyada polis əməkdaşı 180 kiloqram pendir oğurladığı üçün işdən qovulub.
Qafqaztürk.com xəbər verir ki, məlumata görə, patrul polis əməkdaşı pendirlə dolu yük maşınının yolda aşması nəticəsində baş vermiş yol-nəqliyyat hadisəsi ilə bağlı çağırışa gedib.
Hadisə yerinə gələn polis əməkdaşı yük maşınının soyuducu hissəsindən ümumi dəyəri 554 avro olan 20 kq-lıq bağlamalara yığılmış 9 ədəd zədələnməmiş çedar pendiri götürüb.
Daha sonra polis əməkdaşı məhkəmədə izahat verib ki, pendirin saxlanması şərti yol-nəqliyyat hadisəsi səbəbindən pozulub və pendirin bir hissəsini məhv olmaqdan xilas edib.ə
Məhkəmə müəyyən edib ki, bu işlə məmur hüquq-mühafizə orqanının nüfuzuna xələl gətirib, çünki oğurluğun qarşısını almaq polis əməkdaşının vəzifəsidir və pendirin dəyərinin aşağı olmasının heç bir əhəmiyyəti yoxdur.
Müvafiq olaraq, Reynland-Pfalts Məhkəməsi polis məmurunun işinə qaytarılması ilə bağlı şikayətini rədd edib.
