Rustaveli prospekti və Parlament binası yaxınlığında keçirilən etiraz aksiyasında polisə hücum etmək və əmlaka ziyan vurmaq ittihamı ilə 6 nəfər saxlanılıb.
QafqazTürk.com xəbər verir ki,bu barədə Daxili İşlər Nazirliyinin Tbilisi Polis Departamentinin direktoru Sulxan Tamazaşvili idarədə keçirilən brifinqdə məlumat verib.
Məlumata görə,aksiya iştirakçıları Daxili İşlər Nazirliyinin əməkdaşlarının olduğu Xüsusi Dövlət Mühafizə Xidmətinin binasının həyətinə müxtəlif ağır əşyalar, o cümlədən butulkalar, daşlar, gözyaşardıcı qaz və dəmir parçaları atıblar, o cümlədən nazirliyə məxsus nəqliyyat vasitələrinə zərər vurublar. Aksiya iştirakçılarının inzibati binada yerləşən videomüşahidə kameralarına və Tbilisi meriyasına məxsus müxtəlif əşyalara necə zərər verdiyini ictimaiyyət açıq şəkildə gördü.
“Aksiya iştirakçılarının inzibati binada yerləşən videomüşahidə kameralarına və Tbilisi meriyasına məxsus müxtəlif əşyalara necə zərər verdiyini ictimaiyyət açıq şəkildə gördü.
Aksiya iştirakçılarının zorakılıqla həyata keçirdikləri hücumlar nəticəsində Daxili İşlər Nazirliyinin 7 əməkdaşı yaralanıb, onlardan biri əməliyyat olunub və müalicəsi hələ də davam edir.
Daxili İşlər Nazirliyi hadisə ilə bağlı dərhal araşdırmalara başlayıb və 8-9 may tarixlərində 6 nəfəri saxlayıb. O cümlədən, aparılan araşdırmalarla müəyyən edilib ki, aprelin 16-da keçirilən aksiya zamanı saxlanılan şəxslərdən biri asayiş keşikçilərinin istiqamətinə küt əşya atıb, nəticədə o, gözündən xəsarət alıb” , – məlumatda deyilir.
