“Amerika Birləşmiş Ştatları Rusiya və Çindən gələn təhlükəyə qarşı çıxmaq üçün nüvə arsenalını genişləndirməyəcək”.
QafqazTürk “The Hill” nəşrinə istinadən xəbər verir ki, bunu Vaşinqtonda Silahlara Nəzarət Assosiasiyasının illik konfransında ABŞ prezidentinin milli təhlükəsizlik üzrə müşaviri Ceyk Sallivan deyib.
“Birləşmiş Ştatlar nüvə gücləri yaratmağa və nüvə rəqiblərimizi uğurla qarşısını almaq üçün onlardan üstün olmağa ehtiyac duymur. Biz bundan əvvəl də keçmişik və dərs almışıq. Eyni zamanda, ABŞ administrasiyası yaxşı müdafiə olunan, hədəflərə çata bilən adi silahlanmış hipersəs raketləri kimi qabaqcıl qeyri-nüvə imkanlarına sərmayə qoymağa diqqət yetirəcək”-deyə, o bildirib.
Sallivan həmçinin Rusiya və Çini gərginliyə baxmayaraq silahlara nəzarət danışıqlarına başlamağa çağırıb.
ABŞ Müdafiə Nazirliyinin məlumatına görə, Çin 400-ə yaxın nüvə silahına malikdir, lakin arsenalını 1 500 döyüş başlığına çatdırmaq niyyətindədir. ABŞ və Rusiyanın nüvə arsenalları sayına görə yaxındır, hər ölkədə 5 000-dən çox nüvə silahı var.
Report
