Ukrayna prezidenti Vladimir Zelenski dünən video müraciətində deyib ki, Ukrayna ABŞ-ın bazar ertəsi öz silahlı qüvvələrinə böyük hərbi yardım elan edəcəyini gözləyir.
Onun sözlərinə görə, bu qərar Rusiya-Ukrayna cəbhəsində müdafiə qüvvələrinin sabitləşməsinə töhfə verməlidir.
“Mən bilirəm ki, Amerikanın Ukraynaya dəstək verməklə bağlı mühüm qərarı hazırlanır – biz rəsmi açıqlama gözləyirik”, – Zelenski deyib.
Ukrayna prezidenti Kanadanın baş naziri Castin Trüdo ilə dialoqundan da danışıb. Onun sözlərinə görə, Ukraynaya silah tədarükü, əlavə hava hücumundan müdafiə sistemləri, həmçinin hərbi-sənaye kompleksinə investisiyalar, ölkələr arasında iqtisadi əlaqələr və Rusiyaya qarşı sanksiyalar müzakirə edilib.
