ABŞ-da TikTok sosial platforması yeni qadağa qanununun qüvvəyə minməsinə bir neçə saat qalmış bağlanıb.
Tətbiq ABŞ istifadəçilərinə TikTok-u qadağan edən qanunun qüvvəyə mindiyini bildirən bir mesaj yayımlayıb, yəni onlar hazırda ondan istifadə edə bilməyəcəklər.
“Xoşbəxtlikdən bizim üçün Prezident Tramp bildirib ki, o, vəzifəyə gəldikdən sonra TikTok-u bərpa etmək üçün bizimlə bir həll üzərində işləyəcək”, – mesajda deyilir.
İstifadəçilərin fikrincə, proqram artıq Apple Store və Google Play Store-da da mövcud deyil.
Məlumat üçün bildirək ki, ABŞ-ın yeni seçilmiş prezidenti Donald Tramp rəsmi olaraq vəzifəyə gəldikdən sonra TikTok qadağasını 90 gün təxirə salacağını bildirib.
Xatırladaq ki, Co Bayden aprel ayında platforma Çində yerləşən ByteDance şirkəti tərəfindən alınmasa, TikTok-u 2025-ci ilin əvvəlindən qadağan edəcək qanun imzalamışdı.
