Another advertisement
ABŞ-da qış fırtınası nəticəsində azı 4 nəfər ölüb.
Verilən məlumata görə, təbii fəlakət nəticəsində 300 mindən çox insan işıqsız qalıb. Həmçinin, bazar ertəsi axşam saatlarından etibarən ABŞ-da və xaricində 2200-dən çox uçuş ləğv edilib.
Güclü qar və buz həftəsonu bir neçə ştatda, o cümlədən Missuri ştatında 1700-ə yaxın sürücünün qapalı vəziyyətdə qaldığı əsas magistral yolları bağlayıb. Virciniya, İndiana, Kanzas və Kentukki ştatlarında yüzlərlə yol qəzası baş verib. Merilend ştatında 100-dən çox qəza qeydə alınıb.
ABŞ-ın yeddi ştatında: Merilend, Virciniya, Qərbi Virciniya, Kanzas, Missuri, Kentukki və Arkanzasda fövqəladə vəziyyət elan edilib.
