Tbilisidə keçirilən İpək Yolu Forumu çərçivəsində Gürcüstanın Baş naziri İrakli Kobaxidze Ermənistanın Baş naziri Nikol Paşinyanla görüş keçirib.
Gürcüstan Hökumət Administrasiyasının mətbuat xidmətindən verilən məlumata görə, görüşdə iki ölkə arasında dostluq və qonşuluq münasibətləri, eləcə də ticarət-iqtisadi əməkdaşlıq məsələləri müzakirə olunub.
İrakli Kobaxidze erməni həmkarına forumda iştirakına görə təşəkkür edib və Ermənistanın Gürcüstanın ən böyük ticarət tərəfdaşlarından biri olduğunu vurğulayıb.
Baş nazirin sözlərinə görə, tərəflər görüş zamanı ikitərəfli və regional əməkdaşlığın əsas istiqamətlərini nəzərdən keçiriblər.
“Mən əminəm ki, bu görüş Gürcüstan və Ermənistan arasında əməkdaşlığı daha da gücləndirəcək”, – deyə İrakli Kobaxidze “X” sosial şəbəkəsində bildirib.
