Parlament çoxluğunun lideri İrakli Kirtsxalia oktyabrın 4-də baş verən hadisələrə münasibət bildirərək deyib ki, əvvəldən planlaşdırılmış höküməti devirmək ssenarisində, devrilmə planında iştirak edən heç kəs məsuliyyətdən yayına bilməz.
“Əvvəlcədən elan edilmiş inqilabi ssenaridə, devrilmə planında iştirak etmək məsuliyyətindən heç kim xilas ola bilməz. Ümumiyyətlə, ayrılmaq, komanda yoldaşından imtina etmək “Milli Hərəkat”ın mənəvi simasıdır”, – oktyabrın 4-də baş verən hadisələrdən danışan parlament çoxluğunun lideri İrakli Kirtsxaliya deyib.
Onun sözlərinə görə, günahkar şəxslərin dairəsinin genişlənəcəyi gözlənilir.
“Əvvəlcədən elan edilmiş inqilabi ssenaridə, devrilmə planında iştirak etmək məsuliyyətindən heç kim xilas ola bilməz. Biz bu proseslərdən uzaqlaşan yalnız bir qondarma siyasi partiya gördük, səhv etmirəmsə, Qaxariya bölməsi idi.”
Kirtsxaliya əlavə edib ki, qalan iştirakçılar elan edilmiş devirmə ssenarisini tam anlayıblar:
“Biz onlara xəbərdarlıq etdik ki, istənilən qanun pozuntusuna çox sərt hüquqi cavab veriləcək. Bağışlayın, burada heç kimi təhqir etməzlər. Düşünməsinlər ki, cəmiyyətin bir saatlıq və ya bir neçə günlük yaddaşı var. Baxsınlar ki, hansı bəyanatlar veriblər, kimləri ətraflarına toplayıblar və bu gün uzaqlaşanları da öz sıralarına qatdıblar.”
Deputatın sözlərinə görə, bu məsələyə yalnız siyasi yox, mənəvi baxımdan da yanaşmaq lazımdır:
“Ayrılmaq, komanda yoldaşını tərk etmək ‘Milli Hərəkat’ın mənəvi simasıdır. Bu böyük cinayəti bir kənara qoyub, insani və mənəvi baxımdan yanaşsaq, bu, ayrı bir məsələdir.”
Kirtsxaliya bildirib ki, həbslərin sayının artıb-artmayacağı ilə bağlı dəqiq məlumat yoxdur, lakin günahkarların sayının çoxalacağı gözlənilir:
“Biz hamımız canlı olaraq baş verənləri gördük. Prezident sarayının ətrafındakı dağıntılarda nə qədər adamın iştirak etdiyini müşahidə etdik.”
Oktyabrın 4-də keçirilən mitinqə Gürcüstanın beşinci prezidenti Salome Zurabişvilinin gələrək daha sonra meydanı tərk etməsini şərh edən Kirtsxaliya deyib:
“Əgər Zurabişvili gəlib sonra mitinqdən çıxıbsa, bu o demək deyil ki, o, devrilmə məqsədi ilə elan edilən mitinqə gəlməyib. İndi kim ayrıldı, kim qaldı, fərqi yoxdur. Orada olan insanlar, liderlər hamısı mitinqdə idilər, elan edilmiş məqsəd isə hökuməti devirmək idi.”
