Ukrayna vətəndaşları Gürcüstanda 3 il deyil, 1 il vizasız qala biləcəklər. Müvafiq fərmanı baş nazir İrakli Kobaxidze verib.
“Ukrayna vətəndaşlarının Gürcüstana vizasız daxil olmaq və tam 1 il müddətində qalmaq hüququ var. 2025-ci il fevralın 24-dək Gürcüstana daxil olub, burada qalan Ukrayna vətəndaşlarının qalma müddəti 2026-cı il fevralın 24-dək uzadılıb”, – qətnamədə deyilir.
Məlumat üçün bildirək ki, Baş nazirin 23 aprel 2024-cü il tarixli sərəncamına əsasən, Ukrayna vətəndaşlarının Gürcüstana vizasız giriş və qalma müddəti 3 ilə qədər artırılmışdı. Rusiya Ukraynada müharibəyə başlamazdan əvvəl ukraynalılar Gürcüstanda bir il vizasız qala bilərdilər.
