ABŞ-da 178 sərnişini daşıyan American Airlines təyyarəsi Denver Beynəlxalq Hava Limanına məcburi eniş etdikdən sonra alovlanıb.
Sərnişinlər təyyarənin qanadından təxliyə edilib. Ciddi xəsarətlər barədə məlumat verilməsə də, aviaşirkət yanğından 3 saat sonra 12 sərnişinin müalicə üçün xəstəxanaya aparıldığını bildirib.
KİV-in məlumatına görə, yanğın cümə axşamı yerli vaxtla saat 18:00 radələrində Boeing 737-800 təyyarəsinin mühərrikində yaranan problemlər səbəbindən hava limanına yönləndirildikdən sonra baş verib.
Federal Aviasiya Administrasiyası bildirib ki, American Airlines 1006 reysi Kolorado-Sprinqs hava limanından qalxıb və Dallas-Fort Uort Beynəlxalq Hava Limanına gedərkən “ekipaj mühərrikin vibrasiyasını bildirib”.
