Another advertisement
Bu gün, martın 3-də ölkəmizdə Analar Günü bayramıdır.
Biz, Gürcüstan Azərbaycanlıları Konqresi və Qafqaz Türk Media ailəsi olaraq, vətənimiz Gürcüstanın bütün analarını: nazirindən, şairindən tutmuş, evdar xanımına qədər hər birini ürəkdən təbrik edirik! Onlara cansağlığı, ailə səadəti, sevinc dolu ömür diləyirik! Hələlik övlad üzünə həsrət xanımlara da körpə qığıltısı, körpə nəfəsi arzulayırıq!
Müqəddəs varlıq olan anaların, həmişə borclu olduğumuz anaların nə özlərinə, nə də bayramlarına alternativ yoxdur, ola da bilməz!
Ölkəmizin ən böyük memarları, ən böyük qurucuları onlardır!
Unudulmaz gənc şairimiz İsa Sadiq demiş:
Ana! Ana dedim… Sənin həyatın,
Bənzəyir tükənməz, dərin ümmana!
Ana! Ana dedim… Müqəddəs adın,
Nə şeirə sığışır, nə də dastana!