Another advertisement
Avropa İttifaqı Şurası Aİ-Gürcüstan arasında viza rejiminin sadələşdirilməsi sazişinin bəzi hissələrinin dayandırılması barədə qərar qəbul edib.
Şuranın məlumatına görə, viza rejiminin sadələşdirilməsi sazişinin dayandırılması aşağıdakı kateqoriyalara şamil ediləcək:
Hökumətlərarası təşkilatlar tərəfindən istənilən Aİ ölkəsinin ərazisində keçirilən rəsmi görüşlərdə və digər tədbirlərdə iştirak edən Gürcüstanın rəsmi nümayəndə heyətinin üzvləri.
Gürcüstanın milli və regional hökumətlərinin və parlamentlərinin, Gürcüstanın Konstitusiya Məhkəməsinin və Ali Məhkəməsinin üzvləri, diplomatik pasport sahibləri.
Adi pasportlara malik olan Gürcüstan vətəndaşları Avropa İttifaqına qısa müddət ərzində vizasız gediş-gəlişdən yararlanmağa davam edəcəklər”, – press-relizdə deyilir.
Şura aydınlaşdırır ki, Aİ-Gürcüstan arasında viza rejiminin sadələşdirilməsi sazişinin qismən dayandırılması qüvvəyə mindikdən sonra və Gürcüstan vətəndaşlarının viza tələbindən azad edildiyini nəzərə alaraq, Üzv Dövlətlər viza tələbinin sahiblərinə tətbiq edilməsi üçün milli tədbirlər görməyə qərar verə bilərlər.