Aİ-nin qeyri-ərzaq sürətli xəbərdarlıq sisteminə əsasən, tanınmış brendlərin daha 17 məhsulunun tərkibində zərərli maddələr olduğu müəyyən edilib.
QafqazTürk.com xəbər verir ki, bu barədə məlumatı user.ge saytı yayıb.
Məlumata görə, bunlar “Nivea”, “L’Oreal”, “Davi”, “Intesa”, “Clear”, “Exse” və “Palmolive” şirkətlərinin şəxsi gigiyena məhsulları və kosmetikasıdır.
“Bunların hamısının tərkibində butilfenil metilpropional (BMHCA – ətir allergenidir və 1 mart 2022-ci il tarixindən etibarən, sonsuzluğa (siçovullarda) mümkün əlaqəni göstərən heyvan tədqiqatlarına görə Aİ-də qadağan edilmişdir) var ki, bu da bu məhsulların etiketlərində qeyd olunub.
Maddənin sistematik istehlakı insanın reproduktiv sistemi və doğulmamış uşaq üçün təhlükə yaradır.
Bu təhlükənin qarşısını almaq üçün alacağınız şəxsi qulluq məhsulları və kosmetikaların etiketlərində butilfenil metilpropional (BMHCA) tərkib hissələrinin siyahısını axtarın.
Bu və digər təhdidlərin tam siyahısı ilə birlikdə Avropa Birliyinin sürətli xəbərdarlıq sistemi ilə əlaqədar bugünkü bildirişi aşağıdakı linkdə tapa bilərsiniz:
https://ec.europa.eu/…/screen/webReport/detail/10000149 .. .” – deyə yayılan məlumatda bildirilir
