Another advertisement
Danimarkanın baş naziri Mette Frederiksen ABŞ-ın yeni seçilmiş prezidenti Donald Trampa telefon danışığında bildirib ki, Qrenlandiya öz gələcəyini özü qərar verməlidir.
Frederiksen Trampa Qrenlandiyanın baş naziri Mute Egedenin “Qrenlandiya satılmır” bəyanatını təkrarlayıb.
Donald Tramp telefon danışığı barədə ictimaiyyətə açıqlama verməyib. O, sosial mediada 2019-cu ildə keçirilən sorğunun nəticələrini dərc edib və nəticədə Qrenlandiyalıların 68 faizi Danimarkadan müstəqilliyi dəstəkləyib.
Xatırladaq ki, ABŞ-ın seçilmiş prezidenti Qrenlandiya adasını almaq istəyini ifadə edib və bu istəyini həyata keçirmək üçün hərbi gücdən istifadə olunacağını istisna etməyib.
