Azərbaycan poeziyasının ulduzlarından biri
Xəbər verdiyimiz kimi, Gürcüstan Azərbaycanlıları Konqresinin təşəbbüsü və təşkilatçılığı ilə 2025-ci il “Zəlimxan Yaqub İli” elan edilib.
Qafqaz Türk Media ölkəmizdə, Azərbaycanda, Türkiyədə və dünyanın müxtəlif ölkələrində sevimli Xalq şairimizlə əlaqədar xəbərlərin yayımına start verir.
Beləliklə…
Yanvarın 18-də Bakının məşhur “Qanun” nəşriyyatında Xalq şairi Zəlimxan Yaqubun yenicə çapdan çıxmış “Azərbaycan poeziyası. Seçmə şeirlər” kitabının təqdimatı olacaq.
Qafqaz Türk Media bildirir ki, nəşriyyatın Azərbaycan ədəbiyyatı redaksiyası tərəfindən “Azərbaycan poeziyası. Seçilmiş şeirlər” layihəsi çərçivəsində işıq üzü görən kitab şairin 75 illik yubileyinə həsr olunub.
Tərtibatçı və redaktor Şərif Ağayar, ön sözün müəllifi Azər Turandır.
Xatırladaq ki, “Qanun” nəşriyyatı indiyəcən “Azərbaycan poeziyası. Seçmə şeirlər” seriyasından Füzuli, Nəsimi, Vaqif, Səməd Vurğun, Bəxtiyar Vahabzadə, Nəbi Xəzri, Vaqif Səmədoğlu, Nüsrət Kəsəmənli və s. kimi görkəmli Azərbaycan şairlərinin kitablarını nəşr edib.
