Avropa Şurası Parlament Assambleyasının Gürcüstan üzrə monitorinq həmməruzəçiləri Klod Kern və Edit Estrella yanvarın 14-16-da faktaraşdırıcı missiya ilə Gürcüstana səfər edəcəklər.
“Səfərin məqsədi Gürcüstanın Avropa Şurasına üzv dövlət kimi üzərinə götürdüyü öhdəliklərə əməl etməsini qiymətləndirməkdir, xüsusən oktyabr seçkilərindən sonra davam edən siyasi böhran və Aİ-yə üzvlük danışıqlarının dayandırılması fonunda”, – məlumatda deyilir.
Mətbuata verilən məlumata görə, səfər zamanı həmməruzəçilər bütün əsas siyasi partiyaların rəhbərliyi, hökumət nümayəndələri və institutları, eləcə də vətəndaş cəmiyyəti və beynəlxalq ictimaiyyətlə görüşəcəklər.
“Bu, müntəzəm monitorinq səfəridir və görüşəcəkləri həmsöhbətlərin legitimliyinin və ya fikirlərinin siyasi təsdiqi kimi qəbul edilməməlidir”, – məlumatda deyilir.
Mətbuata verilən məlumata görə, həmməruzəçilər “ittihamları və saxlanmaları narahatlıq doğuran” bir neçə saxlanılan etirazçıya baş çəkməyi planlaşdırırlar.
