300 nəfərlik komissiya Mixail Kavelaşvilini Gürcüstanın prezidenti seçib.
Parlamentdə Mərkəzi Seçki Komissiyasının açıq iclasında səsvermələrə yekun vurulub, sonra plenar iclas zalına toplaşan Seçki Komissiyasının üzvlərinə MSK sədri tərəfindən seçkinin nəticələri barədə məlumat verilib.
Kollegiya tərəfindən prezident seçilən Mixail Kavelaşvili də zaldadır.
224 seçici Kavelaşvilinin lehinə səs verib.
Müxalifət prosesdə iştirak etməyib.
Mərkəzi Seçki Komissiyası sədrinin sözlərinə görə, səsvermədə 225 üzv iştirak edib, onlardan 1-i etibarsız hesab edilib.
Prosedur parlamentin plenar iclaslarının zalında baş tutub.
Səsvermə açıq şəkildə aparılıb. Əvvəlcə Gürcüstan parlamentinin üzvləri, sonra isə əlifba sırası ilə kollegiyada digər dövlət orqanlarının nümayəndələri səs veriblər.
Kollegiya üzvləri nəticələrin elan edilməsini alqışlarla qarşılayıblar.
MSK sədri icmal protokolu parlamentin sədri Şalva Papuaşviliyə verib və seçki prosesinin başa çatdığını elan edib.
Xatırladaq ki, Mixail Kavelaşvili prezidentliyə yeganə namizəd idi.
