ABŞ prezidenti Co Bayden Türkiyədə keçirilən cari ümumi seçkilərlə bağlı ilk şərhini bildirib.
“Kim qalib gəlirsə gəlsin, hazırda dünyanın o hissəsində kifayət qədər problemlər var”, – Bayden qeyd edib.
Xatırladaq ki, 2020-ci il Türkiyə seçkiləri zamanı Bayden Türkiyə lideri Rəcəb Tayyib Ərdoğanı avtokrat adlandırıb və ABŞ-ın Ərdoğanın rəqiblərini dəstəkləməli olduğunu bildirib.
Türkiyədə seçkilərin ikinci turu keçiriləcək. Birinci turun nəticələrinə görə, Türkiyənin hazırkı prezidenti Rəcəb Tayyib Ərdoğan 49,5 faiz, birləşmiş müxalifətin namizədi Kamal Kılıçdaroğlu isə 44,89 faiz səslə liderdir.
Dövlət Seçki Komissiyasının məlumatına görə, seçkilərdə əhalinin 89 faizi iştirak edib. Mövcud seçki sistemi ilə Türkiyədə ilk dəfə seçkilərin ikinci turu keçirilir.
İkinci turun təyinatı ilə bağlı birləşmiş müxalifətin namizədi Kılıçdaroğlu qeyd edib: “Millətimiz ikinci tur istəyirsə, buna hörmət edirik. Ərdoğan istədiyi nəticəni ala bilmədi”.
