“Gürcüstanda bu gün insan haqlarının qeyd olunduğu deyil, insan hüquqlarının ayaqlar altında tapdalanması günüdür – nə qədər maska taxsalar da, onlar bilirlər ki, kimin harada olduğu üzə çıxacaq və biz hamımız onları xatırlayacağıq”.
QafqazTürk Media xəbər verir ki, bu barədə Gürcüstan prezidenti Salome Zurabişvili bildirib.
Onun sözlərinə görə, bu gün Gürcüstanda insan haqları ayaqlar altında tapdalanır.
“Bu gün insan hüquqlarının qeyd olunduğu gün hesab olunur. Gürcüstanda bu gün insan haqlarının qeyd olunduğu gün deyil , insan hüquqlarının ayaqlar altında tapdalanması günüdür. Biz bu günü belə xatırlamalıyıq və bu gün Gürcüstanın tarixində belə qalacaq. Bu günlərdə iştirak edənlər və ya iştirak edəcəklər, şübhəsiz ki, Gürcüstanın tarixinə düşəcəklər. Gürcü xalqı bunu heç vaxt unutmayacaq. Nə maska taxsalar da, bilirlər ki, kimin harada olduğu üzə çıxacaq və hamımız xatırlayacağıq. Bu gün hüquqlar ayaqlar altında tapdalanır: dinc aksiya keçirmək; dinc nümayişçilərə qarşı gözyaşardıcı qazdan istifadə; onlara qarşı kimyəvi maddələrin istifadəsi; tanınma nişanı taxmayan xüsusi təyinatlı qüvvələr; işlərin araşdırılmaması və bu repressiyaları həyata keçirənlərin sistemli şəkildə cəzasız qalması; Hüquq-mühafizə orqanlarının əməkdaşları tərəfindən zorakılıq həm həbs zamanı, həm də önəmli olan həbsdən sonrakı dövrdə baş verir. Bütün bunlar tarixə düşəcək”, – Gürcüstan prezidenti vurğulayıb.
