Marneulidə adsız küçələr ərəb rəqəmləri ilə nömrələnəcək.
QafqazTürk Media xəbər verir ki, sözügedən məsələ Bələdiyyə Məclisinin iclasında məlum olub.
Marneuli Bələdiyyəsinin sayca 13-cü iclasında gündəlikdə nəzərdə tutulan 6 məsələ müzakirə olunub. Onlar arasında 2024-cü il büdcə qərarında dəyişikliklər edilməsi, Gürcüstanın dövlət büdcəsində nəzərdə tutulmuş Gürcüstanın regionlarında həyata keçiriləcək layihələrin fondundan maliyyələşdiriləcək layihələr, Marneuli şəhərində adsız küçələrin ərəb rəqəmləri ilə adlandırılmasına və vətəndaşlara sosial istiqamətdə yardım məsələsinə müsbət səs veriblər.
“Bu sakrebulonun növbədənkənar iclasıdır. Bu ilə olan 13cü iclasımız sona çatdı. Növbədənkənar iclasın keçirilməsinin təşəbbüskarı merdir. Beləki büdcədə dəyişikliklərin edilməsi xahişi ilə sakrebuloya məktub daxil etmişdi. Əsasən büdcənin gəlir hissəsində dəyişiklik edildi və məbləğ müxtəlif sahələrə ayrıldı. Eyni zamanda bölgələrin inkişafı fondu tərəfindən həyata keçirilməsi istənən layihələr irəli sürülmüşdü və hər ikisi bəyənildi. Həmçinin iki məsələ torpaq sahəsinə aid idi. Bir torpaq sahəsinin elektron hərraca çıxarılması ilə bağlı idi və digər məsələ küçələrə adların verilməsi ilə əlaqədar idi. Həmin küçələrə rəsmi ad qoyulanadək “Coğrafi obyektlər haqqında” Qanununun 8-ci maddəsinin 7-ci bəndinə əsasən, Marneuli bələdiyyəsinin hüququ varki həmin küçələri ərəb rəqəmləri ilə adlandırsın. Belə olması o küçələrin sakinləri üçün yaxşıdır beləki, poçtdan əmanət qəbul etmək, elektrik enerjisi, təbii qaz, içməli su üçün abunə olmaq lazımdır və bunun üçün onların mütləq ünvanları olmalıdır”,– deyə Sakrebulo Aparatının rəhbəri Nino Beridze bildirib.
