Unudulmaz Yusif müəllimin vəfatından 3 il keçir.
Bu gün dəyərli ziyalımız, görkəmli maarif xadimi, təcrübəli pedaqoq, istedadlı şair, yazıçı və ədəbiyyatşünas, “Gürcüstan Azərbaycanlılarının ədəbiyyat tarixi” kimi məşhur dördcildliyin yaradıcısı, ümumilikdə 20-dən artıq kitab müəllifi, tanınmış el ağsaqqalı, xeyirxah insan Yusif Musa oğlu Yusiflinin vəfatından 3 il ötür.
Bəhrəli-bərəkətli ömür sürmüş Yusif Yusifli 1928-ci ildə doğulmuş, 2021-ci il noyabrın 6-da əbədiyyətə qovuşmuşdur.
Bu gün unudulmaz Yusif müəllimin dogma kəndi Qaş Muğanlıda, dədə-baba yurdundakı evində onun Anım Günü vəfatının 3-cü ildönümü keçirilmişdir.
Allah rəhmət eləsin!
Yusif müəllim həmişə könüllərdədir! Oğlu Əzəmət Yusifoğlu demiş:
Qəlblərdəsən sən hər zaman,
Unutmarıq səni bir an!
Yerin behişt, cənnət-məkan,
Uca məqamdasan, Ata!
GAK-ın Mətbuat Xidməti
